Изграден нов мост и асфалтирана улица во Кадино

Општина Илинден преку изградба, реконструкција, санација и рехабилитација на локалната улици и патишта продолжува со интензивното инвестирање во патната инфраструктура.

Во таа насока, во рамките на реализацијата на проектот „Изградба и реконструкција на 10 мостови“ (сообраќајни и пешачки) изграден е нов мост на улица „6“ во н.м.Кадино. Мостот долг 8 метри, со широчина од исто така 8 метри, од кои 6 метри е коловозна површина, и по 1 метар тротоари од двете страни, е изграден на местото на стариот и дотраен руиниран мост кој што го попречуваше нормалниот проток на атмосферски води од постоечкиот канал и беше пречка за нормалното одвивање на сообраќајот. Истовремено се асфалтирани и пристапите кон мостот, како и локалниот пат што води кон црквата „Свети Илија“, во должина од 240 метри.

Со реализацијата на овој проект се придонесува за поголема безбедност на учесниците во сообраќајот, а и значително се олеснува движењето на граѓаните во овој дел од општината

Подобрувањето на патната инфраструктура, останува приоритет на Општина Илинден во насока на подобрување на условите за живот и животниот стандард на граѓаните во сите 12 населени места.