Го наполнил Мерцедесот со евра - Македонец падна на Табановце

На граничниот премин Табановце изутрината е спречен обид за нелегално изнесување 37.000 евра од Македонија, кај македонски државјанин кој пристигнал со автомобил марка Мерцедес со македонски регистарски таблички. На прашање на царинските службеници дали имаат нешто да пријават за царинска контрола, возачот одговорил негативно, а сопатникот изјавил дека освен околу 2.200 евра, нема ништо друго да пријави, но при извршениот претрес на патникот, покрај пријавените 2.200 евра, во внатрешниот џеб од неговата јакна се пронајдени 33.500 евра, а во џебот во панталоните уште 300 евра. При претрес на возилото, во потпирачот за рака помеѓу предните седишта, во друг паричник се пронајдени уште 3.000 евра. Лицето не поседувало документ за потекло на парите.

Согласно Законот за девизно работење, 2.000 евра, износ кој резидент слободно може да ги изнесе од државата му се вратени на прекршителот, додека остатокот од 37.000 евра е привремено задржан.