Момче тешко повредено во сообраќајка во Гостивар

Сообраќајна несреќа во која тешко повреден е пешак се случила синоќа во Гостивар.

Според полициските информации 20 годишниот И.С. управувајќи автомобил Пасат удрил во пешакот Н.Ј. (25).

Од ударот пешакот се здобил со тешки повреди и со истото возило веднаш е пренесен во гостиварската болница, а поради сериозноста на повредите итно е префрлен на скопските клиники.

По овластување на јавен обвинител, увид извршила екипа од Полициската станица Гостивар.