ВИДЕО: И Перински со поддршка за „Чуварите на демократијата“

Поддршка на „Чуварите на демократијата“ денеска даде и Златко Перински, управител на Спортскиот центар Борис Трајковски. Тој ја поздрави иницијативата и целиот вложен труд.

Од кампот спроти Собранието на РМ, истакна дека никогаш во историјата на Македонија немало толку проекти и инвестиции во спортската инфраструктура.

-Работиме и ќе продолжиме да работиме. Спортските пакети и спортските производи кои што ги продуцира СЦ „Борис Трајковски“ ќе ви бидат уште подостапни, тоа можам да ви го ветам на сите и се надеваме дека во некој скора иднина ќе излеземе и со нови сали и нови содржини, кои дополнително ќе ги мотивираат младите луѓе да спортуваат, истакна Перински.

Минатата година во „Борис Трајковски“ имало 670 илјади директни посети.

-Тоа е импозантна бројка и може да ни завидат многу европски па и светски арени, рече управителот на СЦБТ.

На 10-ти овој месец, односно во среда, започнува со работа аква паркот, потсети Перински и ги повика сите да дојдат.

-Имаме 13 спортски содржини, надополнети со уште една која минатата недела ја отворивме заедно со премиерот Никола Груевки и директорот на Агенцијата за млади и спорт Марјан Спасевски, а тоа се 4-те тениски терени. На некој начин скоро и да не постои спортска содржина која не е опфатена во СЦБТ.

Целиот говор на Перински од кампот на „Чуварите на демократијата“ погледнете го во видеото.