Неверојатна лага на коцкар од гостиварско
Дваесет и петгодишниот Б.И. од гостиварското село Србиново, вчера пријавил дека околу 16 часот и 45 минути на улица „Боге Велјановски“ во Гостивар физички бил нападнат од две непознати лица, кои со нож му нанеле убодна рана на левата надлактица и три расекотини на десната надлактица.
Веднаш потоа, според неговото кажување, тие го собориле и од левиот џеб во панталоните му одзеле 50 илјади денари во апоени од 1000 денари, а потоа избегале.
Меѓутоа, за кусо време полициски службеници на СВР Тетово-Полициска станица Гостивар ги расветлиле сите поединости поврзани со пријавеното и утврдено е дека Б.И. целосно ја измислил приказната и дека го фингирал случајот.
-Непосредно пред тоа, тој подигнал банкарски кредит во износ од 50 илјади денари, кои подоцна до последен денар ги потрошил во едно гостиварско казино, а потоа најверојатно со клинец се самоповредил на рацете и пријавил дека бил нападнат, односно дека бил цел на разбојници, информираат од полицијата.
По приведувањето и задржувањето, во координација со јавен обвинител, тој ќе се соочи со соодветен поднесок.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
