МОН: Во тек е исплата на награди за учениците кои освоиле прво место на државни натпрeвари
Министерството за образование и наука соопшти дека во тек е исплатата на паричните награди за учениците од основно и средно образование и нивните наставници ментори, кои во текот на учебната 2014/2015 година освоиле прво место на државен натпревар, организиран од здружение на наставници кое е акредитирано за организирање на соодветен натпревар, од страна на Министерството.
-До овој момент, на вкупно 36 ученици и наставници ментори кои аплицирале во Министерството за исплата на средства по основ на освоено прво место на државен натпревар, ќе им бидат исплатени парични награди од по 10.000 денари, соопштуваат од МОН.
Министерството за образование и наука им се заблагодарува на сите ученици коишто учествуваа на училишните натпревари во оваа учебна година, им честита на победниците и ги охрабрува и во иднина да земат учество и да конкурираат со своето знаење на овие натпреварувања.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
