Ме тепаше со клоци и шамари бидејќи кафето му го направив послатко - исповед на една жена која наместо љубов добивала ќотек

Не тераше мене и децата да клечиме пред него и да му ги бакнуваме рацете. Шлаканици ни делеше намсето убави и топли зборови, раскажува Р. Г (40), која  13 години била во брак со насилник.

Како што вели дека првиот ќотек никогаш нема да го заборави

- Да ме разбудите и од најдлабокиот сон јас ќе знам точно да ви кажам датум и време кога тоа се случило. Причината за ќотекот? Кафето кое му го сварив бепе преслатко. Не заврши само со една шлаканица, туку ме шутираше и ме влечеше за коса, а на крајот ме поли со врелото кафе по раката. Не отидов на лекар, раскажува Р.Г која се плашила да го напушти нејзиниот сопруг биејќи и се заканувал дека ќе ги убие нејзините родители ако нешто раскаже. 

Претепана и со опекотина на раката, морала да прави ново кафе. И денеска се сеќава како и се тресела раката додека ставала шеќер во кафето. Кога му го принела кафето, и рекол да седне до него и да гледаат вести. 

- Тоа што ме убиваше од ќотек го доживуваше како да не е ништо страшно. Знам дека е грев и дека ужасно звучи, но кога забременив, бев многу очајна. Тоа ете беше плод на мојот страв, со стомакот до грло ме тераше да работам тешки работи, раскажува жената.

Кога се родило бебето, насилникот имал навика грубо да го потресе бидејќи му сметало неговиот плач. 

Во брак со могу насилство се родило уште едно дете

- Во породилиштето ми рече дека ќе дојде и ќе ме задави зошто дома му носам уште едно женско бебе. Сите мајки со насмевка на лицето ги дојат своите бебиња, а јас со плачење, раскаува Р.Г за своето минато.

Насилникот редовно ја тепал на нејзиниот роденден бидејќи за него тој ден бил најлош. За среќа, оваа жена конечно решила да го напушти нејзиниот сопруг и сега живее нормален и спокоен живот.