ВИДЕО: Елена Ристеска со видеопорака до сите Македонци
В петок забавата на главната бина започнува од 20:30 до 22:30 часот како вечер посветена на неповторливиот македонски народен пејач Јонче Христовски, чиишто песни ќе бидат изведувани од страна на Виолета Томовска, Јордан Митев, Атина Апостолова, Ефто Пупиновски и Блага Петреска. Истите ќе бидат придружувани од оркестарот „Академци“ под водство на маестро Сашо Ливрински.
Во продолжение на вечерта ќе настапат финалистите од овогодинешниот „Икс-фактор“: Боби Мојсовски, Давид Темелков, Ива Чуриќ и „9Control“, како и нашиот минатогодишен победник и претставник на овогодинешниот избор на „Евровизија“, Даниел Кајмакоски. Оваа вечер на главната бина ќе настапуваат и „Куку леле“.
Забавата за присутните ќе продолжи и после полноќ, на базенот во Кратово, каде што по 01:00 часот ќе настапат диџеите Бранчез, Жак и Кокс.
Следниот ден дневната програмата продолжува пред платото на Музејот на Град Кратово, каде што ќе настапат: Тамбураши, Чалгии, како и локални музичари.
Потоа настанот се префрлува на главната бина, каде што во вечерните часови од 20:30 ќе настапи етносоставот „Чалгија саунд систем“.
Веднаш потоа е настапот на Елена Ристеска, која ќе биде најава за „Бајага и инструктори“.
И оваа вечер најиздржливите ќе можат да уживаат во забавата на базенот во Кратово, каде што по 01:00 часот за атмосферата ќе бидат задолжени диџеите Боби и Жак.
Последниот ден, во недела во 12:00 часот напладне пред платото на Музејот на Град Кратово ќе настапуваат хорот и солисти на „Златно славејче“ заедно со својот другар и долгогодишен водител на фестивалот Влатко Илиевски, а по нив манифестацијата ќе продолжи на малата сцена пред домот на културата.
Елена Ристеска Ве кани на Златни Денови Кратово 2015 :)
Posted by Zlatni Denovi Kratovo on четврток, 25 јуни 2015
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа