Широк Сокак со нова урбана опрема
Општина Битола и ЈП „Комуналец“-Битола денеска ја претставија новата урбана опрема на улицата Широк Сокак.
Металните жардињери се заменети со жардињери изработени од пресуван гранит и мелен мермер кои се автентични со плочникот на Широк Сокак.
- Новата урбана содржи 25 нови урбани корпи за отпадоци, 100 нови жардињери со различни цветни аранжмани и украсен камен на дрворедот. Цвеќиња се поставени и на канделабрите со што се овозможи еден нов дизајн на Широк Сокак. Со екипи на ЈП „Комуналец“ извршено е и уредување на просторот пред Дом на АРМ кој очекуваме со новата урбанистичка документација и да понудиме ново современо решение во овој дел на градот, посочил градоначалникот на општина Битола Владимир Талески.
За поставување на новата урбана опрема на Широк Сокак, општина Битола и ЈП „Комуналец“ вложија еден милион денари, потврди Зоран Соклевски, директор на ЈП „Комуналец“-Битола.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
