Пороен дожд, грмежи и ветер: Невреме во Македонија
Времето во Македонија ќе биде нестабилно со пороен дожд и со грмежи, а локално процесите ќе бидат и поинтензивни со пообилни врнежи, засилен ветер и можна појава на град.
Утринската температура ќе се движи од 11 до 19 степени, а дневната од 21 до 28 степени.
Во Скопје променливо и нестабилно со пороен дожд, грмежи и засилен ветер, особено во првата половина од денот.
Утринската температура ќе се спушти до 18, а дневната ќе се искачи до 25 степени.
И во среда се очекува нестабилност со локален пороен дожд и со грмежи особено во првата половина од денот, а потоа во следните денови времето ќе биде претежно стабилно со пораст на дневните температури, но ќе дува слаб до умерен северен ветер.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
