Пеколни температури: Пола Македонија во алертна фаза

Македонија во следните неколку денови ќе биде под влијание на многу топла воздушна маса што ќе предизвика позначителен пораст на дневните температури. Особено топло ќе биде во среда и четврток, кога во југоисточните делови се очекуваат и до 40 степени.

Според Управата за хидрометеоролошки работи (УХМР), во четврток попладне ќе настапи преодно наоблачување со локален, повремено пороен дожд и грмежи. Во петок ќе биде променливо облачно со повремен локален дожд и умерен северен ветер што ќе ги намали дневните температури за три до четири степени.

Од сабота повторно ќе биде стабилно со благ пораст на дневните температури.

Времето денеска е претежно сончево и топло со мала локална облачност. Дува слаб до умерен ветер од северен правец, а максималната температура е во интервал од 29 до 36 степени.

Биометеоролошките услови се лоши. Како што информира УХМР, во пладневните часови кај поголемиот број луѓе можна е појава на главоболки, но и болки во колената, грбот и вратот. Вечер е можна општа слабост, а кај некои и чувство на тежина во главата. Во ноќните часови болките од ревматски карактер, но и оние од артритични промени, ќе бидат поизразени. 

Слично ќе биде и утре.

 

 

Оцени ја веста

06.07.2015 - 17:17

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега