Гореше нискостеблеста шума - пожарникарите седум часа се бореа со пламените јазици

Кумановските пожарникари вчера речиси седум часа го локализираа пожарот на нискостеблестата шума и трева на површина од 20-тина хектари на регионалниот пат Куманово-Свети Николе во близина на Искрин мост, од десната страна кон село Орашац, откако пожарот бил пријавен во 13 часот и 35 минути, а петте пожарникари со една цистерна успеале  да го локализираат во 20 часот и10 минути.

 

Причината за пожарот и материјалната штета што е предизвикана се уште не се познати.

 

Командирот на Територијалната противпожарна единица, Дејан Илиевски, денеска изјави дека станува збор за деветта интервенција на пожарникарите од почетокот на овој месец.