Груевски: Наскоро изградба на нови десетина спортски сали
Спортските училишни сали се градат според утврдената динамика, истакна денес премиерот Никола Груевски.
-Досега 78 сали се завршени и пуштени во употреба. Тринаесет се во градба, од кои шест ќе бидат готови во наредните 4-5 месеци, а се подготвуваме за почеток на градба на уште десетина нови спортски сали. За нив се изготвува потребната документација и наскоро ќе почнат да се градат, посочи Груевски.
Премиерот додаде дека динамиката за изградба се одвива одлично и преку Министерството за образование и наука и преку Агенцијата за млади и спорт која од Владата добила обврска за уште шест сали.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа