Министерот Чавков на Табановце ќе дели флаери за безбедно возење

Денеска на граничниот премин Табановце, министерот за внатрешни работи Митко Чавков ќе им дели флаери за безбедно патување на возачите кои транзитираат или престојуваат во Македонија.

Во рамките на превентивната сообраќајно-едукативна акција „Летна кампања 2015 година“, денеска на граничниот премин Табановце министерот Митко Чавков, директорот на Бирото за јавна безбедност Горанче Савовски и претседателот на  Републичкиот совет за безбедност на сообраќајот на патиштата Стојче Стаменковски, ќе им поделат флаери на возачите кои транзитираат или престојуваат во Македонија.

Флаерите содржат препораки за безбедно возење, како и совети да се внимава на летните горештини и да прават почести одмори при патувањето.

Исто така службеници од граничната полиција на сите гранични премини во државата, ќе се делат вакви флаери на англиски јазик со едукативна содржина, како добредојде на странските гости.