Штипјанка повредена на своето работно место

Штипјанка повредена на своето работно место. Вчера околу 15,50 часот во Штип на ул.„Гоце Делчев“, поточно на бензинската пумпа „Лук Оил“, вработената И.В.С.(29) од Штип, додека била во нејзината канцеларија и работела на компјутер, во еден момент почувствувала удар во левата рака кој настанал од електро соба, која се наоѓала зад нејзината канцеларија. Од електричниот удар причинето е значително оштетување на бензинската пумпа. Од екипи на ТППЕ-Штип и ЕСМ, исклучена е електричната енергија. Со екипа на ИМП, И.В.С. е пренесена во КБ-Штип каде е задржана на лекување.