Огромна заинтересираност за „Ало докторе“ - регистрирани над 40 илјади повици
На „Ало докторе“ регистрирани се 42.054 повици, од 15 септември минатата година до сега, а во периодот од 6 до 12 јули се јавиле 1.005 лица.
Како што информира денеска Министерството за здравство, јавувањата на телефонскиот број 02/15 123, во последната седмица се со широк спектар на најразлична симптоматологија, најчесто за главоболки, покачен крвен притисок и симптомна болка.
Со затоплување на временските услови, како што се наведува, многу често се јавуваат граѓани за совети и препораки поврзани со топлото време, заштита од сонце и совети околу терапијата за хронични болести.
„На сите оние лица кои се јавија на телефонската линија „Ало докторе“ им е дадена соодветна медицинска помош преку здравствен совет и соодветна симптоматска терапија“, се вели во соопштението од Министерство за здравство
Дваесет и двајца доктори се достапни за медицински совет, а јавувањата се од граѓани од сите градови на Македонија.
Телефонската линија е достапна секој ден, 24 часа, со цел да се овозможи непосредна медицинска консултација во моментот на појава на какви било симптоми на нарушување на здравјето.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа