Новинар избоден со нож на прес-конференција

Новинарот од српското списание „Ужичка недела“ Милан Ѓокиќ беше нападнат денеска на прес-конференција во градскиот совет во Ужице. Како што јавува Танјуг, Милан бил избоден со нож по што напаѓачот се обидел да избега, но полицијата успеала да го фати и уапси.

Засега не е познат мотивот за нападот. Повредениот новинар е хоспитализиран со тешки телесни повреди.

По инцидентот се огласи и министерот за внатрешни работи, Небојша Стефановиќ, кој го осуди нападот.