Избрани најбезбедни и најчисти училишта во Македонија
Избрани се најбезбедните и најчисти училишта во учебната 2014/2015 година.
На основните училишта ОУ „Владо Кантарџиев“ од општина Гевгелија, ОУ „Климент Охридски“ од село Драчево и ООУ „Климент Охридски“ од Македонски Брод, како и на средните училишта избрани беа СУГС „Владо Тасевски“ и СУГС „Никола Карев“ им беа врачени признанија.
На свеченоста присуствуваа министерот за образование и наука Абдилаќим Адеми и амбасадорката на Мисијата на ОБСЕ Маријане Берец.
Според министерот Адеми, училиштата мора да бидат безбедни и хигиената да е највисоко ниво за да можат непречено да се реализираат сите активности поврзани со воспитно-образовниот процес.
„Наша задача е да се грижиме за безбедноста на секое училиште, но исто така, заедно работиме и на подигнување на свеста на учениците кога станува збор за одржување на хигиената во нивните училници, во училишните дворови и училишните спортски сали“, рече Адеми.
Амбасадорката на ОБСЕ посочи дека постојат многу причини училиштата да бидат безбедни и чисти.
„Сега имаме навистина добри примери на соработка меѓу учениците, родителите и наставниците и се надевам дека тие примери ќе ги следат и останатите затоа што добрите практики ќе станат дел од културата. Познатиот филозоф и наставник Аристотел рекол дека добрите практики кои се креираат во младоста ја прават целата разлика“, рече амбасадорката Берец.
Во конкуренција на 18 основни и шест средни училишта за најбезбедни беа избрани ОУ „Владо Кантарџиев“ од општина Гевгелија, ОУ „Климент Охридски“ од село Драчево и ООУ „Климент Охридски“ од Македонски Брод. Од средните училишта избрани беа СУГС „Владо Тасевски“ и СУГС „Никола Карев“.
Натпреварот „Најбезбедно и најчисто училиште“ се спроведува втора година по ред од страна на Министерството за образование и наука и ОБСЕ.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа