Честитка од ВМРО-ДПМНЕ по повод Рамазан Бајрам
ВМРО-ДПМНЕ на сите верници од муслиманската вероисповест во Република Македонија им го честита големиот муслимански празник Рамазан Бајрам.
- Празничните денови се моменти на радост, но и моменти на заедништво, солидарност и разбирање, вредности кои се длабоко вкоренети во нашата традиција и нашето битие. Во Македонија со векови сме ги граделе темелите на меѓуетнички и меѓурелигиски соживот, а големите празници како Рамазан Бајрам се моменти кога ваквите темели ги јакнеме и зацврстуваме, бидејќи тие се гарантот за напредокот и благосостојбата во нашето општество, стои во честитката од ВМРО-ДПМНЕ.
На сите верници од муслиманска вероисповест, ВМРО-ДПМНЕ им посакува празникот Рамазан Бајрам да го поминат во спокојна и радосна атмосфера со своите ближни, во моменти на благосостојба, затоа што, како што се наведува, личната благосостојба и успех се основата на просперитетот на една држава како целина.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа