Сообраќајка во Куманово: Момче е тешко повредено
Момче е тешко повредено во страотна сообраќајка која се случи попладнево на регионалниот пат Куманово-Свети Николе во населбата „Иго Тричковиќ“.
Момчето е примено во кумановската болницасо повеќе повреди, по што е упатено во скопскиот Клинички центар.
„Примено е дете на 12-13 години со повреди здобиени од удар на моторно возило. Детето се здобило со тешки телесни повреди. Има тешка повреда на главата, на двете потколеници и на градниот кош. По укажаната помош, со медицинска придружба и лекар тоа е префрлено на една од скопските клиники“, изјави доктор Борче Божиновски, дежурен хирург од Општата болница Куманово.
Полицијата се уште врши увид на местото на несреќата, а според првичните информации во момчето, кое тргнало по топката на патот, удрил автомобил марка „Мерцедес“ А класа со кумановски регистарски таблички.
Од СВР Куманово најавија повеќе детали по завршување на увидот.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа