Камп за лидерство во Тетово: „Девојките го водат светот“

Мултикултурен камп за лидерство, дизајниран да промовира самодоверба, пријателство и учество во заедницата преку едукативни активности, денеска ќе биде отворен во училиштето Woodrow Wilson, во Тетово.

Кампот GLOW (Girls Leading Our World- Девојките го водат светот), кој го организира Мировниот корпус на САД во Македонија во соработка со невладините организацијии Амбрела (Скопје) и YMCA Битола, ги поттикнува и ги инспирира младите девојки преку надминување на културните препреки да станат лидери во нивните заедници.

Над 700 млади девојки присуствувале на камповите GLOW во изминатите десет години. Оваа година се одбележува 20-годишнината од првиот камп GLOW, којшто сега се одржува во повеќе од 60 земји низ целиот свет.