Нови детали за убиството во Козле: Ја нема ташничката со пасошите и накитот

Полицијата се уште не може да ја најде ташничката на убиените мајка и син во скопската населба Козле. Според информациите до кои дојде Prss24 од свои извори во истрагата, во неа се наоѓале пасошите на убиените, а се претпоставува дека имало и вреден накит.
Истрагата утврдила дека само синот бил посипан со брашно по убиството, па се претпоставува дека токму тој бил целта на убиецот и дека пораката била испратена до него.
Истрагата се движи во повеќе правци, меѓу кои и можноста да се работи за крвна одмазда.
На само еден ден пред убиството, роднина на убиените се вратил во Турција со оправдување дека имал неодложна работа.
Убиецот среде ноќ влегол во куќата, најверојатно прво ја убил мајката, а потоа го чекал синот во спалната. Претходно ги одвртел сите светилки, што е доволна причина за сомневање дека тој солидно го познавал теренот.
Синот бил убиен до креветот додека ги соблекувал панталоните.
Истрагата се уште нема осомничени иако, сите домаќини кои биле во куќата и не слушнале ништо биле ставени на полиграфско тестирање. Според информациите, сите го поминале тестот, односно ја зборувале вистината.
Убиецот пукал со пиштол со пригушувач. И двете жртви се убиени со истото оружје, па се претпоставува дека станува збор за еден сторител.

 

 

Оцени ја веста

31.07.2015 - 12:29

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа