Уште едно лице се води за исчезнато во Tетовско
Шеесет и едно годишниот маж Р.Ј. од тетовското село Лисец од утрово се води како исчезнат по вчерашните катастрофални поплави кои ги зафатија Тетово и тетовско. Се уште се трага по девојчето на возраст од околу шест години.
Од МВР потврдуваат дека животот по вчерашното невреме проследено со обилен дожд, електрични празнења и ветер, досега го загубија четири лица.
Хашим Ф.(83) од Шипковица, А.М.(14) од Шипковица, две деца, едното на возраст од седум години од Тетово и другото дете на возраст од една и пол година од с. Шипковица.
Безживотните тела на Хашим Ф, А.М. и детето на возраст од една и пол година пронајдени се во Шипковица, додека безживотното тело на седумгодишното дете пронајдено е во Голема Речица.
Во вчерашното невреме, исто така со тешки и телесни повреди се задобиле и 11 лица, најмногу од селата Шипковица, Селце, Џепчиште и Мала Речица.
Дел од нив задржани се во тетовската клиничка болница за натамошна опсервација, а дел се пуштени на домашно лекување. Невремето, предизвика излевање на повеќе реки во подножјето на Шар Планина, а предизвика и значителни материјални штети.
Оштетени се повеќе објекти и автомобили.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа