Граѓаните ја одобруваат мерката за засилена контрола на границата

Граѓаните ја одобруваат мерката за засилена контрола на границата. Велат дека тоа е исправна одлука, мигрантите да бидат превезувани на тој начин. Гевгеличани се жалат дека изминатиов период мигрантите направиле вистински хаос.

Еве кој е ставот на граѓаните за новата мерка:

-Тоа е добро, да се отстранат. Ние сакаме да им помогнеме, но многу е лошо, направија голема збрка во градот. Има и тепање, има и повреден полицаец. Им даваш слобода, да можат слободно секаде да одат. Да им дадат нешто, некое прифатилиште и да им кажат дека ова место е за тие бегалци и да знаат каде им е местото. Сега насекаде ги има.

-Ако ги пуштаат по 200 тука ќе се направи огромна гужва. Препродаваат банани, цигари, сето тоа е лошо за Гевгелија.

-Носи проблем на градот. Се збираат по 2000-3000 луѓе во градот. Ѓубриња, сметови секакви, хигиена никаква. Затоа прогласија така, сега е подобро.

-Гевгелија беше најчист град, сега стана најпрљав.

-Имаме проблеми од нив. Пукаат, викат, крадат.

-Мора да се превземат некои мерки бидејќи се шири некоја епидемија, таму смрди не се поминува.

-Требаше да дојде до оваа одлука. Како што се слуша, во Грција ги има се повеќе и се најавува секој ден дека ќе има многу. Одлуката е во ред и треба да се продолжи додека ги има во поголем број.

-Нема меѓу овие ниту еден расплакан, несигурен. Затоа ова што го прави Владата е перфектно.

Во последните 24 часа, како што информира МВР, неколкукратно е помал и бројот на издадени потврди за мигрантите за разлика од претходните денови кога дневно се издавале потврди на повеќе од 1300 странски државјани.