Ново амбулантно возило за Итна помош и домашно лекување
Во базата на Итна медицинска помош –Поликлиника Букурешт беше организирано примопредавање на микрогрант - амбулантно возило од Амбасадата на Република Словачка на ЈЗУ Здравствен Дом Скопје.
Амбулантното возило е наменето за Службата за Итна медицинска помош и домашно лекување и е комплетно опремено со медицинска опрема.
Настанот се одржа во присуство на Мартин Безак, Амбасадор на Република Словачка , Иво Крпелан –Регионален директор на Фалк за Средна и Источна Европа, Директорите на ЈЗУ Здравствен Дом Скопје Др. Спец.Татјана Баевска Вучковиќ, Бесим Кока и Деканот на Медицински факултет Никола Јанкуловски.
Од голема важност е зајакнувањето на возниот парк на Службата за ИМП со микрогрант амбулантното возило од страна на Амбасадата на Република Словачка, бидејќи Службата за итна медицинска помош е од витално значење за градот и неговата околина која со својата дејност услужува околу 700000 жители.
Покрај секојдневните итни и одложени интервенции во доменот на здравствената заштита на населението, врши медицински транспорт на пациенти во градот,во државава и надвор од неа според медицинска индикација или на барање на пациентот.
-Службата врши медицински обезбедувања на собири и манифестации од различен карактер (спортски натпревари, културни и политички збиднувања и др.)
-Во 2012 година возниот парк на службата е зголемен со 14 нови санитетски возила целосно опремени со стандардна медицинска опрема и апаратура.
-Во 2015 година споредено со податоците од 2014 година, зголемен е бројот на самостојно решени интервенции на терен од страна на Службата за Итна медицинска помош.
-Бенефитит е двоен како за Службата за Итна медицинска помош,така и за корисниците на услугите –пациентите со надеж за понатамошна соработка и подршка од страна на донаторите.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа