Пожар во Велес
Голем пожар кој попладнево некаде околу 17 часот изби на велешката градска депонија се уште гори.
Со огнената стихија, а со цел да не се прошири и на околината, повеќе од три часа се справуваат вработени од Противпожарната единица од Велес и ЈКП „Дервен“ кое стопанисува со депонијата.
Како што за МИА информираа од ППЕ, во моментот се гаси со вода од две цистерни на ЈКП „Дервен“ и една цистерна на ППЕ, а вклучени се и вработени и од ЈКП „Дервен“.
Како што велат од ППЕ ако до утре изутрина пожарот не се изгасне со вода, во гасење на пожарот на велешката градска депонија ќе биде вклучена и тешка механизација односно булдужери.
Оцени ја веста
25.08.2015 - 20:57
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа