Пожари беснееја во кумановско
Шест интервенции бележи Територијалната против пожарна единица на Куманово во текот на вчерашниот ден, информираа денеска надлежните од кумановската противпожарна единица.
Пожарникарите вчера интервенирале во село Шупли Камен каде што горела сува трева во периодот од 10:30 до 15:05 часот. Во 12 часот горела вегетација на Градските гробишта, која била изгасната по еден час.
Четири часа кумановските пожарникари со две противпожарни возила гаселе запалена сува трева, но и викендица во во Доброшане. Пожарот е изгаснат во 20 часот.
Како што информираат од кумановската противпожарна единица и во кумановското село Пчиња горела сува трева, стрниште, а пожарот зафатил и тополи, вчера од 18:45 до 21:40. часот. Горело и ѓубриште кај локалитот „Стара Кланица“, но и сува трева и стрниште кај Градиште. Пожарникарите ја завршиле интервенцијата во 22:35 часот.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
