Годинава државна матура по стар модел, законски измени од 2016-та
Средношколците и оваа година ќе полагаат државна матура според стариот модел, а за септември 2016-та година се одложени и измените на законот за високо образование.
-Во меѓувреме ќе направиме се што е во наша моќ за да бидат вклучени сите засегнати страни на кои што се однесува законот и во заеднички консултации да се дојде до најдобрите можни решенија некаде до септември 2016-та година, најави вчера при посетата на Дојран, премиерот Груевски.
И со ова изјава на претседателот на Владата уште еднаш се потврдија заложбите на Владата и Министерството за образование и наука, за креирање на дијалог со сите инволвирани страни во образовниот процес, а во насока на креирање на заеднички решенија во областа на реформи во средното и високото образование кои ќе бидат квалитетни и издржани.
Претставниците од образованието сметаат дека со одлагањето на примената на новините во овие закони се остава доволно простор за сите претставници од образованието како и на учениците и студентите со активно учество и дијалог да придонесат за изнаоѓање на најдобри решенија во ова област за која едногласни се размислувањата дека се потребни реформи.
И токму затоа, велат вработените во образованието, е потребно преку понудениот дијалог а не преку политизирање на овие реформи заеднички да се дојде до најдобрите решенија.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа