Ужас во Скопје: Дадилка наместо да го негува, малтретирала бебенце
Дадилка малтретирала и грубо се однесувала кон деветмесечно бебенце во Скопје, пишува Курир.
Родителите на бебето ја ангажирале дадилката да го чува и негува, но наместо тоа, таа го малтретирала и грубо се однесувала кон него.
МВР против неа поднесе кривична пријава, па Основното јавно обвинителство - Скопје, поведе постапка против едно лице кое се сомничи дека малтретирало 9-месечно дете.
По проучување на кривичната пријава и доказите, јавниот обвинител најде дека постои основано соменение за сторено кривично дело – Запуштање и малтретирање на дете од член 201 од Кривичниот законик, за кое е запретена казна затвор од една до десет години.
При тоа, донесена е Наредба за спроведување истражна постапка и до Основниот суд Скопје 1 – Скопје поднесен е Предлог за определување на мерка – Притвор против осомниченото лице, поради постоење опасност од повторување на делото.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа