Превентивно се чисти коритото на реката Црна
Координативно тело составено од претставници на пелагониските општини и јавни претпријатија специјализирани компании за интервенции на речно корито, денеска почнаа превентивно чистење и санирање на коритото на река Црна, пренесува МИА.
Градоначалникот на општина Новаци, Лазар Котевски информира дека според превентивната програма во наредниот период ќе се чистат и санираат 30 километри од коритото за што се обезбедени 500.000 евра, средства од програмата за рурален развој.
- Долж речното корито беа регистрирани 14 пропусти кои беа отштетни од поплавите. Најголем број се на подрачјето на општините Новаци и Могила, а две се на подрачјето на општина Прилеп. Со оваа акција ќе биде извршено затворање на пропустите, а потоа интензивно ќе се чисти и вегетацијата во речното корито бидејќи го спречува протокот на водата. Ангажиравме голема механизација за да активностите бидат навремено завршени, посочи Котевски.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа