Кичевчанец загина во тешка сообраќајка

Велосипедист загина во сообраќајка на регионалниот пат Кичево-Македонски Брод, пишува Курир.

Лицето Насуф Н. од Кичево го загуби животот по тешката сообраќајна несреќа што денес во 11 часот и 20 минути се случи на пресекот на регионалниот пат Кичево-Македонски Брод со улицата „Маршал Тито“.

Од здобиените повреди, во општата болница во Кичево почина 74-годишниот  Насуф кој по регионалниот пат управувал велосипед движејќи се кон Кичево.

-Сообраќајната незгода се случила кога сега починатиот управувајќи го велосипедот се обидел да го премине коловозот од регионалниот пат при што дошло до удар врз велосипедот од патничко моторно возило марка „Цитроен Берлинго“ со кичевски регистарски ознаки кое се движело од Македонски брод кон Кичево. Ударот се случил на левата коловозна лента со предниот лев дел од патничкото возило врз средниот дел од велосипедот, информираат од СВР Охрид, пишува Курир.

Со тешки телесни повреди, Насуф Н. со возило на брзата помош бил пренесен во општата болница во Кичево каде по кратко време им подлегнал на повредите.

На лице место извршен е увид во присуство на јавен обвинител како и полициски екипи од полициската станица во Кичево. За време на увидот, сообраќајот на регионалниот пат не беше во застој односно се вршеше наизменично пропуштање на моторните возила. 

 

 

Оцени ја веста

15.09.2015 - 16:38

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега