Алексовски: Ќе се реши прашањето со дивите депонии во кривопаланечко и регионот

 

- На состанокот со градоначалниците на Кратово и Ранковце, претседателите на општинските совети  и  директорите на јавните претпријатија од трите општини разговаравме за реализацијата на ИПА проектот  „Подготовка на техничка и тендерска документација за затварање на депониите  во Источниот и Североисточниот регион“ кој ќе се финансира со средства од Европската унија,  а со се предвидува конечно да бидат затворени дивите депонии во нашата општина и да се пристапи кон современ начин на селектирање на отпадот и формирање регионални депонии, изјави Алексовски.

 

Тој рече дека на состанокот е извршена подготовка на потребните одлуки на советите на општините за времената локација за депонирање на отпадот.

 

- Утврден е временскиот период  на  донесување на одлуките од страна на советите, времето на отпочнување со депонирање на отпадот на определената временска локација, а го  договоривме и регулирањето на обврските и финанскиските импликации на општините за зголеменото транспортирање, како и обврските на општината примател на отпадот за неговото законско третирање , што подразбира порамнување, трупање со земја, уредување на пристапниот пат и останати активности, појасни Алексовски.

 

Во преодниoт период до формирање регионални депонии, од 2016 до 2020 година, отпадот од Крива Паланка и околината ќе се депонира на меѓурегионална депонија во соседна општина Ранковце, а потоа следува формирањето на двете големи регионални депонии во Источниот и Североисточниот регион.