Груевски на удирањето на темелите на фабрика на ОДВ Електрик

Претседателот на Владата на Република Македонија Никола Груевски, денес ќе присуствува на поставување на камен темелник за изградба на фабрика на компанијата „ОДВ Електрик“, во Tехнолошко индустриската развојна зона Охрид-Струга.

Од Владата информираат дека премиерот ќе оствари посета и на општина Македонски Брод каде ќе изврши увид во градежните активности за изградба на објект со станови за лица со социјален ризик.

Премиерот ќе изврши увид и во градежните активности за изградба на единечен тениски терен во основното училиште „Климент Охридски“, по што ќе оствари средба со жителите на Македонски Брод.