Започнаа превирањата во СДСМ, Макрадули “распали“ на ФБ

Иако раководството на Социјалдемократскито сојуз на Македонија предводено од Зоран Заев и Радмила Шекеринска сака во јавноста да прикаже дека во најголемата опозициска партија владее единство во пресрет на парламентарните избори, сепак на виделина започнаа да излегуваат превирањата и раздорот за кои изминатиов период пишуваа дел од медиумите. 

Откако пред неколку дена поранешниот потпретседател на СДСМ Зоран Јовановски отворено застана против опозициските пиолитики и даде поддршка за концептот на екстерното тестирање, притоа понудајќи предлози за негово унапредување, денеска поранешниот пратеник Јани Макрадули преку својот Фејсбук профил распали по раководството на партијата.

-А на кој шалтер се купува монопол на вистината во опозицијата? Мислам на оние кои за надокнада се наводно опозиција, за разлика од 2011-та кога беше добро во опозицијата да има различни мислења. И Вие мислите дека помагате во борбата против Груевски?, напиша Макрадули.

Ваквата реакција на Макрадули јасно покажува дека во опозициските редови владееат големи превирања и несогласувања, наспроти лажната слика која во јавноста партијата сака да ја претстави. Високи социјалдемократски функцоонери го креваат гласот поради незадоволството од раководството на пaртијата, чија нервоза од се поизвесниот пораз на следните избори кулминира, што се покажа и денеска во Законодавниот дом.

СДСМ иако очајно се обидува да влијае позитивно врз демотивираното и апатично членство, сепак наместо резултати само се продлабочува агонијата во опозициските редови, што воедно се потврдува со денешната реакција на Макрадули, кој смета дека во 2011-та година било добро во опозицијата да има различни мислења, за разлика од сега.