Специјалниот обвинител го бара синот на Светозар Маровиќ
Издаден е налог за апсење на синот на претседателот на некогашната државна заедница Србија и Црна Гора и актуелен директор на Политичкиот совет на црногорската владејачка Демократска партија на социјалистите (ДПС), Светозар Маровиќ, Милош Маровиќ.
Налогот е издаден од Специјално државно обвинителство од Подгорица, веднаш по приведувањето на поранешниот директор на црногорскиот Завод за изградба, Стеван Драговиќ.
Драговиќ, Маровиќ помладиот, како и Марко Вујовиќ, за кого исто така е издаден налог за апсење, се товарат за „злоупотреба на службената положба“ и за „помагање во злоупотреба на службената положба на организиран начин“.
Станува збор за обвиненија поврзани со злоупотреби и корупција во врска со изградбата на трговскиот центар „Плаза“ и уредувањето на плажата Јаз во Будва, со што осомничените ја оштетиле општинската каса за над 10 милиони евра.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа