Трагедија во Кавадарци: Загина откако падна од покрив

Градежен работник попладнево почина во Кавадарци како последица на повредите со кои се здобил при пад од покривна конструкција.

Настанот за Утрински весник го потврди портпаролот на СВР Велес, Анита Стојковска и информира дека на местото каде е починат се врши увид од кавадаречката полиција и од инспектор за заштита при работа. 

-Настанот се случил околу 15.15 часот во хала која се наоѓа во просториите на агрокомбинат ДИК „Страшо Пинџур“. Лицето извршувало градежни работи, паднало од покривната конструкција и починало, информираа од СВР Велес.