ФОТО: Ставил икона во кошничка со пчели - се запрепастил кога ја отворил

Во регионот Капндрити во близина на Атина, побожниот пчелар Исидорос Тиминис во една од своите кошнички со пчели поставил икона од Распетието Господово. Минатиот месец пчеларот останал вчудовиден од она што по некое време го затекнал во кошничката.

Пчелите ја везеле со восок целата икона освен делот каде е прикажано лицето и телото Господово. 

– Еднаш донесов икона на која е насликана голготата со трите крста. Пчелите ја имаа извезено со восок целата површина на иконата, оставајќи јасно да се види крстот на кој е распнат Христос и разбојникот кој што се покајал, насликан од десната страна, додека разбојникот од левата страна беше прекриен со дебел слој на восок, вели Исидорос.