(ФОТО) Погледнете какво чудовиште од телефон доби Вучиќ од Медведев

Српскиот премиер Александар Вучиќ за време на форумот „Отворени иновации“ предизвика големо внимание со изјавата дека „уште не набавил смартфон“.

Затоа рускиот премиер Дмитри Медведев го изненади претседателот на српската влада и купи мобилен телефон од последната генерација.

Медведев на Вучиќ му подари андроид смартфон од руско производство Yota 2, кој ќе го пријави на генералниот секретар на Владата на Србија.

Вучиќ кој се наоѓа во тридневна посета на Русија, на Медведев му подари уметничка слика и геополитички албум на Србија на руски.

Инаку Александар Вучиќ на чело на делегацијата на владата на Србија е во тридневна посета на Русија каде утре ќе се состане и со Владимир Путин.