Во Куманово, Липково и Старо Нагоричане 1.270 млекопроизводители поднеле барања за субвенции
Илјада двеста и седумдесет млекопроизводители од Куманово, Липково и Старо Нагоричане поднеле барање за субвенции, информираа денеска надлежните од подрачната единица на МЗШВ - Куманово, пренесе МИА.
Финансиската поддршка се однесува на произведено и предадаено, кравјо, овчо и козјо млеко за периодот од мај-септември 2015 година.
- Рокот за пријавување заврши, вкупната бројка на поднесени барања е 1.270. Оваа бројка не се разликува во однос на претходните години и периоди кога се поднесуваат барања за субвенции за произведено и предадено млеко која се движи од 1.200 до 1.300 во зависнот од месеците за кои се аплицира, изјави Светлана Кирилова Алексовска, виш референт во МЗШВ-Куманово.
Сточарите имаа можност еден месец за да аплицираат за оваа мерка. Млекопроизводителите добиваат 3,5 денари за литар млеко предадено во регистрирана млекарница.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа