Оливер Спасовски ретерираше - вратени дел од овластувањата во МВР

Технички назначениот министер Оливер Спасовски продолжува да креира конфузија и да го разнебитува безбедносниот систем. Неполни 24 часа по донесување на првата одлука со која ги одзеде овластувањата од сите вработени во министерството, донесе нова одлука со која и практично си ја поништи претходната за која СДСМ објаснуваше дека била техничка.

Во денешната телеграма, Спасовски ги информира вработените дека веќе практично не важи претходната Телеграмата бр.13.1-60 од 12.11.2015 година со која престануваат да важат овластувањата од министрите за внатрешни работи кои раководеле со Министерството за внатрешни работи до денот на донесување на наведената Одлука за избор на членови на Владата, пишува Курир.

Со новата Телеграма, технички назначениот министер Оливер Спасовски ретерира и вели дека претходната се однесувала на сите пренесени овластувања, ОСВЕН ОВЛАСТУВАЊАТА ЗА ДОНЕСУВАЊЕ НА РЕШЕНИЈА, ДРУГИ УПРАВНИ АКТИ И ДОКУМЕНТИ ВО УПРАВНИ РАБОТИ РАБОТИ, ОВЛАСТУВАЊАТА ЗА ПРИЕМ И ЗАВЕДУВАЊЕ НА АКТИТЕ ВО ДЕЛОВНИК И УПИСНИК И ОВЛАСТУВАЊАТА ЗА РАКУВАЊЕ СО ПЕЧАТИ И ШТЕМБИЛИ, кои ќе важат до донесување на нови решенија за пренесување на предметните овластувања.

Ваква катастрофа и ваков хаос, поискусните вработени во МВР велат дека не се случил во историјата на независна Република Македонија. Во два дена да се носат две различни решенија од ист министер. Вработените во МВР тоа го толкуваат со неискуството и непрофесионализмот на новиот министер, како и обидот да се истакне пред своите партиски лидери со партизација на институцијата. И новата телеграма како и старата спротивно на законот не е потпишана од  дополнителниот заменик министер, пишува Курир.

 
 
13.11.2015 - 12:50

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега