Жељко Самарџиќ итно префрлен во болница

Драма во домот на пејачот Жељко Самарџиќ се одиграла ноќта помеѓу понеделникот и вторникот, кога пејачот не можел да заспие поради високиот притисок, поради што му се слошило.

Со оглед на тоа што неодамна имал здравствени проблеми со штитната жлезда, пејачот итно е префрлен во Ургентен центар, каде бил згрижен од тим доктори. Како што дознава српски Ало, тој во лоша состојба е примен во таа установа.

- Жељко на приемното одделение за итни случаеви дошол околу четири часот после полноќ со силни грчеви во стомакот, со повраќање и многу висок притисок. Лекарите веднаш го примиле со оглед на неговата историја на болести и проблемите кои ги има со срцето и штитната жлезда. Тој и по приемот повраќал, чувствувал мачнина и притисок во градите, што ги загрижило докторите. Сместен е во болнички кревет за да се испита причината за таквата состојба и му направиле целосна анализа. Докторите откако утврдиле дека има висок притисок кој расте, веднаш му дале инекција за да го спуштат, раскажа извор близок до докторите кои го примиле Самарџиќ.

Српски Ало контактираше со пејачот.

- Благодарам на прашањето, добро сум по прегледот. Морам малку повеќе да посветам внимание на здравјето и да ја прилагодам телесната тежина на своите години, изјави Жељко.