Температурите уште ќе паѓаат: Не чека права зима
Времето претпладне во Македонија биде магливо и студено со ниска облачност, а попладне ќе има делумно намалување и расчистување на маглата. Во повисоките места сончево со мала до умерена облачност и со умерен северен ветер.
Утринската температура ќе се движи од минус пет до два, а дневната од седум до 14 степени.
Во Скопје слично време, магливо и студено. Утринската температура ќе се спушти до минус два, а дневната ќе искачи до девет степени.
И во наредните два дена временска состојба ќе биде без поголеми промени. Во среда кон крајот на денот и во четврток ќе дува умерен северен ветер кој ќе предизвика намалување на условите за појава на магла по котлините и опаѓање на температурата во останатите места.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа