Стартуваше лидерската средба во Клубот на пратеници

Во Клубот на пратениците во Скопје попладнево почна средбата на лидерите на четирите најголеми политички партии ВМРО-ДПМНЕ, СДСМ, ДУИ и ДПА на која ќе се разговара за исполнување на договорот од Пржино од 2 јуни/15 јули.

Никола Груевски, Зоран Заев, Али Ахмети и Мендух Тачи, според партиски најави, ќе разговараат за прашањата кои се закочени, а кои произлегуваат од договорот од Пржино како изборот на тројца експерти во Државната изборна комисија и медиумските реформи, но и за други прашања исто така поврзани со исполнување на овој договор. 

На средбата присуствуваат и олеснувачот во меѓупартиските разговори, белгискиот експерт Питер Ванхауте, како и амбасадорите на САД и на ЕУ, Џес Бејли и Аиво Орав. 

Премиерот Груевски е придружуван од министерот за здравство Никола Тодоров и заменик минисерката за правда Билјана Бришковска Бошкоски, Заев од Шекеринска, Ахмети од Муса Џафери и Артан Груби, а Тачи од Имер Алиу. 

Последната средба на партиските лидери се одржа на 5 ноември, исто така, во Клубот на пратениците. 

 
 
15.12.2015 - 15:25
Фото: 
МИА

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега