Едногодишно бебе починало на Ургентен: Таткото го претепал до смрт во Белград

Едногодишно бебе, кое е примено завчеравечер на Ургентниот центар во Белград поради тешки повреди, починало и покрај борбата на лекарите да му го спасат животот.

Несреќното бебе било претепано од таткото, а починало вечерта во доцните часови, пишуваат српските медиуми.

На Ургентниот центар била и мајката која изјавила дека повредите на бебето ги нанел таткото.

К.К (25), татко на едногодишното бебе кое вчера го претепал во Земун, во полицијата изјавил дека не бил свесен што прави.

Тој завчера е уапсен, поради насилство во семејство над едногодишно дете, соопштиле од полицијата.