Ограбена куќа во Аеродром
Непознат сторител за време на новогодишните празници извршил кражба во куќа сопственост на 55-годишниот И.Б. во Скопје на улицата „Ѓорге Андреевич-Кун“, при што се стекнал со пари и предмети вредни 450.000 денари.
Кражбата ја пријавил сопственикот на куќата вчера во 18 и 40 минути во Полициската станица „Аеродром“.
Сторителот насилно ја отворил влезната врата, влегол внатре и по извршено пребарување одзел пет рачни часовници, два лап топ компјутери, три таблети, два мобилни телефони и еден коверт во кој имало околу 3.000 евра, а потоа го напуштил местото на настанот. На тој начин сторителот се стекнал со противправна имотна корист од околу 450.000 денари.
Се преземаат мерки за пронаѓање на сторителот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа