Откриена причината за пожарите во Штип во кои изгореа два автомобила

Неисправна електрична инсталација е причината за два одделни пожари во кои целосно изгореа два автомобила, а три беа делумно опожарени, пренесе МИА.

Портпаролот на СВР-Штип, Гордана Панајотова денеска информираше дека по извршените разговори со сопствениците и сведоците за случаите во кои неколку возила целосно изгореа во штипските населби Автокоманда и Ново село е откриено дека станува збор за пожар предизвикан од неисправна електрична инсталација на возилата.

Според Панајотова не постојат основи за сомнение дека пожарот на две возила марка Ауди и Фолксваген се подметнати, односно дека истите настанале поради неисправна електрична инсталација, по што од пожарот се зафатени три возила кои биле во непосредна близина на опожарените.

На 20-ти јануари во раните утрински часови во штипската населба Ново село беа опожарени вкупно три возила. Пожарникарите интервенираа со цел да не дојде до ескплозија од плинската боца во багажниот простор на возилото Ауди. Чеитри дена подоцна односно на 24-ти јануари исто така во раните утрински часови две возила беа опожарени на паркинг просторот кај маркетот „Туш“, во населбата Автокоманда. Најпрвин се  запалил автомобил марка Фолксваген, сопственост на една од штипските такси компании. Огнот го зафатил и соседниот паркиран автомобил марка Форд.  Експресната интервенција на пожарникарите спречи огнот да се прошири и на останатите паркирани возило. Внатрешноста на Вентото беше целосно  изгорена,  додека пламените јазици делумно го уништиле соседниот автомобил.