Во јануари повеќе одобренија за градба
Во првиот месец од годинава се издадени 263 одобренија за градење што е за 11,4 проценти повеќе од јануари претходната година, објави Државниот завод за статистика.
Според издадените одобренија за градење, предвидената вредност на објектите изнесува 3.108.575 илјади денари што е за 97 отсто повеќе во однос на тој месец од претходната година.
Од вкупниот број издадени одобренија за градење, 155 или 58,9 отсто се наменети за објекти од високоградба, 42 или 16 отсто за објекти од нискоградба и 66 или 25,1 отсто за објекти за реконструкција.
Од вкупно 263 објекти, на 151 или 57,4 отсто како инвеститори се јавуваат физички лица, а на 112 или 42,6 отсто објекти инвеститори се деловни субјекти.
Во извештајниот период е предвидена изградба на 319 станови со вкупна корисна површина од 26.165 метри квадратни.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
