Огревно дрво на пет рати за пензионерите од Ѓорче Петров
Здружението на пензионери „Ѓорче Петров“ и годинава организира снабдување со огревно дрво за своите членови, кое е на одложено плаќање.
Пријавувањето ќе трае до 25 март во месните и урбани заедници во Волково, Кисела Јабука, Даме Груев, Ѓорче Петров, Хром, Дексион и Мирче Ацев, од 17 до 19 часот. Граѓаните информации можат да добијат на телефонскиот број 02/2036030, секој работен ден од 9 до 12 часот.
Дрвата ќе се исплаќаат на пет рати, а последната треба да биде уплатена најдоцна до 10 јули годинава. Цената на просторен метар буково дрво чини 2.420 денари, а превозот е на товар на пензионерите или купувачите. Дрвата ќе можат да се подигнат по исплатата на последната рата од времениот склад на железничката станица во општина Ѓорче Петров.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа