Средба на Попоски со претставници на ЕК: Избори на 5 јуни за крај на политичката криза

Министерот за надворешни работи на Република Македонија Никола Попоски оствари средби со претставници на Европската Комисија, вклучително и со генералниот директор на директоратот за проширување во Европската комисија, Кристијан Даниелсон.

На средбата со Даниелсон, меѓу другото беа разменети мислења за европските перспективи, реформските приоритети, подготовките за изборниот процес, и во овој контекст идните чекори на Европската комисија.

Соговорниците се согласија дека изборите на 5 јуни се од корист за затворање на политичката криза и придвижување на ЕУ агендата во преден план.