Таткото на Небојша Ројко: Мојот син е ситен крадец, но ако ја убил Јелена лично ќе му пресудам
Полицијата го приведе Игор Ројко (33) . Сепак тој беше пуштен неколку часа покасно, но сеуште се трага по неговиот брат Небојша.
Таткото на Игор и Небојша, Франц Ројко изјавил за српски курир дека доколку неговиот син ја убил Јелена, тој лично ќе му пресуди.
- Беше полицијата тука со неколку коли. Дваесетина полицајци и инспектори ја пребаруваа куќата, гаражата, помошните згради, а кога завршија со тоа го приведоа мојот син. Имам уште еден помлад син и него го бараа, но тој тоа утро си отиде од дома и не знам кај е.
Ројко вели дека знае што и се случило на пејачката, но дека не верува дека неговиот син е монструмот кој ја убил.
- Мојот син е ситен крадец. Поголем дел од својот живот го помина во затвор. Не верувам дека е поврзан со убиството, но ако го направил тоа, јас лично ќе му пресудам, вели тој.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
